Bon Jovi Tour Editions: Xa á venda!

Coincidindo coa súa xira mundial, "The Circle Tour", e aproveitando a súa visita ao Rock In Rio de Madrid, Bon Jovi lanza Tour Editions. Trátase dunha reedición dos seus álbums máis importantes con bonus tracks adicionais. Os míticos CDs Bon Jovi, 7800 ° Fahrenheit, Slippery When Wet, New Jersey, Keep The Faith, These Days, Crush, Bounce, Have A Nice Day e Lost Highway, preséntanse esta vez cun material moi especial: versións en vivo gravadas ao redor do mundo durante as súas exitosas xiras internacionais, desde 1984 até o 2008.
Ademais, como contido extra e inédito, cada CD vén cunha reprodución dun pase do backstage da época orixinal de cada álbum. Así, pódese gozar da experiencia dunha "visita virtual" que che amosa contidos adicionais exclusivos, con recordos e temas extra.
Unha edición especial que xa está á venda dende hai unhas horas, dende o 25 de maio.

www.bonjovi.com

The Cure: Disintegration 3CD Deluxe

Unha edición de luxo de tres CDs, producida e compilada por Robert Smith. Inclúe unha versión remasterizada do álbum orixinal máis cancións inéditas, maquetas, descartes e actuacións en directo.
O oitavo álbum de estudio de The Cure, editado en 1989, é a escura fazaña Disintegration. Continuidade do excepcinal disco de 1987 Kiss Me Kiss Me Kiss Me release, propulsado por éxitos como "Lullaby", "Fascination Street", "Lovesong" e "Pictures Of You", o álbum converteuse rapidamente no de maior éxito da banda até a data, con máis de tres millóns de vendas e unha xira de concertos en estadios de todo o mundo coas localidades esgotadas.
Polydor/Universal volve editar este álbum vital, remasterizando o orixinal cun cd extra de temas inéditos e maquetas máis un terceiro disco que contén actuacións en directo que reproducen o contido do álbum íntegro gravado en 1989 durante tres actuacións no Wembley Area, de Londres, o climax europeo da xira mundial "Prayer Tour de Cure". Esta edición de luxo preséntase cun libreto de 20 páxinas que contén fotografías e deseños inéditos ademais de letras e unha profunda análise da época realizado polo fundador da banda Robert Smith.

www.thecure.com

Álbum Oficial FIFA 2010: Á venda o 1 de xuño!

O 1 de xuño de 2010 publícase o álbum "Listen Up! The Official 2010 FIFA World Cup", o disco oficial do maior acontecemento deportivo do mundo. En España lánzase unha edición especial do álbum con dous temas en castelán: o single "Waka Waka (Esto es África)", a canción oficial do campionato composta e coproducida por Shakira que a interpreta xunto ao grupo Freshlyground, e "Gol de mi corazón" de Doctor Krápula, banda colombiana de rock alternativo.
Todos os beneficios derivados da venda de "Listen Up! The Official 2010 FIFA World Cup" destinaranse á campaña benéfica da FIFA "20 Centers for 2010", cuxo obxectivo é conseguir a través do fútbol un cambio social positivo, construíndo vinte centros "Fútbol para a esperanza" en África que axudarán a solucionar problemas de saúde e educación no continente.
Waka Waka (This Estafe For Africa) é o single do disco e será interpretada por Shakira xunto ao grupo surafricano Freshlyground na cerimonia que terá lugar antes da final do campionato, que se celebrará o 11 de xullo no Johannesburg Soccer City Stadium da capital surafricana.

www.listenupalbum.com

Calamaro "On The Rock": Novo disco!

O vindeiro 1 de xuño é a data escollida para que todos e todas poidamos descubrir ao completo "On The Rock", o novo traballo de Andrés Calamaro. Un disco que sairá en formato digipack deluxe con 12 cancións novas e 2 bonus tracks, ademais dun CD bonus con remixes e cancións inéditas.
Podes escoitar, como adianto, dúas das cancións que se van incluír neste novo disco facendo click aquí.
Calamaro atópase nestes intres de xira por América latina. unha xira que chegará a España no mes de setembro:

04/09 | San Sebastián, ESPAÑA. Kursaal
08/09 | Barcelona, ESPAÑA. Razzmatazz
11/09 | Barakaldo, ESPAÑA. Rockstar Live
15/09 | Madrid, ESPAÑA. Lana Riviera
18/09 | Santiago de Compostela, ESPAÑA. Capitol



www.calamaro.com

200 aniversario de Chopin

Deutsche Grammophon e Decca celebra o 200 aniversario de Chopin ofertando todo o catálogo do compositor totalmente de balde en full streaming.
A páxina web www.200chopin.com, dispoñible en español, ofrece ademais listaxes de escoita personalizadas, un concurso de vídeos en youtube, e moitas sorpresas máis.

www.200chopin.com

"The Sellout": O novo disco de Macy Gray.

Tras tres anos de silencio, Concord Records comprácese en confirmar o lanzamento do novo álbum de Macy Gray titulado "The Sellout", o cal sairá á venda en España o 22 de xuño de 2010.
"The Sellout" contén 12 novas cancións compostas e producidas por Gray. Rutilantes melodías e letras íntimas brillan en "The Sellout", que desde a primeira escoita do single "Beauty In The World", apréciase o traballo dunha artista que reconectou coa esencia da súa creatividade.
Os momentos álxidos son ricos e pletóricos e inclúen o ritmo con encanto soul-pop de "Lately", "That Man", sons ochenteros e new wave de Ting Ting, o tema onde Joan Jett, T- Rex e a chirriante guitarra de Slash parecen atoparse, "Kissed It", e o cativador, "Still Hurts", unha vulnerable balada, chea de emoción, por mencionar algúns.
No album hai colaboracións de Bobby Brown, The Bodyrockers' Kaz James and Slash, Duff McKagan e Matt Sorum de Guns N' Roses e Velvet Revolver.

www.macygray.com

The Cure: Re-edición de "Disintegration"

Para coincidir co lanzamento coa re-edición do álbum "Disintegration" de The Cure, o vindeiro martes, 25 de maio, lánzase un microsite con toda a información sobre o disco, tracklist e audio streaming dalgúns temas. Ademais dalgunha galería de fotos da época e os vídeos dos singles do álbum: "Lullaby", "Lovesong", "Pictures of You" e "Fascination Street".
Todo un luxo para os fans.



www.thecuredisintegration.com

"Sen Ti": O novo de Dj Son1c!

Despois do éxito acadado hai dous anos con "A Festa Non Vai Parar", a primeira canción dance en galego, Dj Son1c volve cun novo traballo, tamén en galego, que leva por título "Sen ti". Unha canción que fala dunha moza que, cansa de darlle oportunidades ao mozo, decide sair de festa e esquecerse del.
Un novo traballo que segue a liña italodance de anteriores traballos de Dj Son1c e co que espera repetir o éxito do último single.
Este novo traballo está dispoñible xa desde hoxe mesmo, día das letras galegas, en www.moguda.com, páxina web desde a cal o podes descargar totalmente de balde.

www.moguda.com

Juanes presentará o seu novo traballo no Mundial de Sudáfrica.

Juanes cantará por primeira vez a súa canción "Yerbatero" no concerto inaugural da Copa Mundial FIFA na cidade de Johannesburgo, en Sudáfrica.
Juanes, o artista de Rock Latino mais coñecido no mundo unirase a Alicia Keys, Black Eyed Peas, John Legend, Shakira e varias superestrellas da música Africana como Amadou & Mariam, Angelique Kidjo no histórico concerto para inaugurar un dos eventos deportivos mais vistos en todo o mundo e que será retransmitido en directo por televisión en máis de 150 países.
Ese mesmo día, ás 20:00h (hora de johannesburgo) a canción poderase escoitar tamén en emisoras de radio de 62 países e porase á venda en iTunes.
Esta é a primeira canción que Juanes presenta ao público nos últimos tres anos e é, adeamis, o primeiro single do seu novo álbum que sairá ao mercado no mes de outono e cuxo nome aínda non está definido.
"Yerbatero" ten letra e música escrita por Juanes como todos os temas que interpreta e é un tema sorprendentemente contaxioso dedicado a todos os que sofren o terrible mal de amor.

www.juanes.net

"Night Work", o novo disco de Scissor Sisters!

Unha das bandas británicas máis grandes dos últimos anos, Scissor Sisters, traballou duro durante máis de 3 anos en estudos de Londres, Bahamas e Nova York e está, xa, preparada para seguir coa súa carreira de éxito.
"Night Work" é un disco de baile aínda que non electrónico. É un álbum que resume o que son en si mesmos os membros de Scissor Sisters; como di Jake Shears, "Night Work" é o puro reflexo de Scissor Sisters en toda a súa esencia.
De "Night Work" extraerase como primeiro single "Fire With Fire", o cal será editado o 21 de xuño.
"Night Work", o álbum completo chegará ás tendas unha semana despois, o 28 de xuño, aínda que hoxe, a partir das 16:00h, Scissor Sisters pon dispoñible en streaming un tema novo: "Invisible Lixeiro", en www.scissorsisters.com.
"Night Work", 12 cancións que non pararás de bailar... a partir de xuño.

www.scissorsisters.com

"Big Bang": O novo disco de La Unión!

Xa está á venda o novo disco de La Unión. O trío madrileño lanzaba no día de onte o deu "Big Bang".
O tempo deulles a razón. As vellas cancións de La Unión sobreviviron ás modas con status de clásicos. Pero a noticia hoxe é que, tras oito longos anos, La Unión ten novas cancións. Rafa Sánchez, Luís Bolin e Mario Martínez volven co seu inconfundible selo e novas paisaxes sonoras a explorar. En constante expansión, igual que o universo ao que aluden ao titular este novo disco "Big Bang". Coma se os astros se puxsen de acordo, xusto cando os telexornais anunciaban que un conclave científico conseguía recrear nun laboratorio a teoría do Big Bang, o disco entraba en fábrica. E de novo na fala da xente, grazas a tan anecdótica coincidencia e ao impacto da canción que serve de adianto como primeiro single, a pegadiza e vital “El Mundo En Tus Manos".

www.launion.net

"Doctor Haze": Novo disco de Haze, hoxe á venda!

"Doctor Haze" é a evolución de Haze, achegándose ás raíces árabes que conviviron connosco durante 7 séculos e sen afastarse da súa fusión de rap flamenco que o caracteriza. É un bálsamo de redención ante a desesperación e a sicosis que produce este momento de crack laboral e económico.
"Doctor Haze" ten a receita perfecta para gozar esquecendo os problemas cotiáns pero mantendo a forza e a coraxe da denuncia social.
É un disco máis alegre e divertido que os anteriores traballos. En resumo, é un álbum maduro pero moi alegre, comprometido e á vez desenfadado, é o antídoto que todos necesitamos.
O disco esta composto de 11 cancións e conta coas colaboracións dos Chichos en "Galopa" e dos artistas andaluces Juan San Juan en "Quiero Ser Feliz" e El Canelita en "Rap Flamenco".
Ademais o disco inclúe o tema "Madre Amadísima" que Haze interpreta xunto a Gala Évora. Esta canción é o tema final da nova película "Madre Amadísima" da realizadora Pilar Tavora.
O primeiro single "Nadie me entiende" representa á famosa xeración ni-ni (nin estuda, nin traballa). A forma de ver a vida dun adolescente rebelde que non permite a submisión. Adolescentes que senten incomprendidos polos maiores e gritan que queren sentirse libres e que aprenderán dos seus erros eles mesmos.

www.elhaze.com

Paulina Rubio: Xira española!

Tan só un día despois de anunciar o seu embarazo, a famosa artista mexicana comenta que se atopa moi felíz e desexando actuar no noso país: "Quero agradecer todas as mostras de agarimo e dicirlles que estamos listos para iniciar a xira de concertos este 8 de maio!" "Estou chea de enerxía e lista para compartir con todos o que mellor sei facer!"
Estas eran as palabras da propia Paulina, que comezaba a xira española o pasado 8 de maio en Valdemoro (Madrid), pero aínda tes outras 5 oportunidades para gozar de toda a forza do seu directo. Estas son as datas:

20 de maio: Málaga, Sala París 15
21 de maio: Roquetas De Mar (Almería), Auditorio
22 de maio: Mos (Pontevedra), Sala Queen
28 de maio: Bilbao, Sala Santana 27
29 de maio: Festival Valladolid Latino

www.paulinarubio.com

Lady Gaga: "The Remix"

Despois do éxito universal que Lady Gaga acadou grazas a "The Fame" e "The Fame Monster", Chegou o momento de presentar os remixes máis representativos dos éxitos que a artista neoyorquina facturou ao longo do último ano e medio.
Aquí están as versións máis especiais e nocturnas de "Poker Face", "Just Dance", "Bad Romance", "Telephone" e "Paparazzi" entre outras, incluíndo tamén unha colaboración inédita con Marilyn Manson.
Un espectacular elenco de remixers, entre os que se inclúen Stuart Price, Pet Shop Boys, Alphabeat, Passion Pit ouChew Fu, garante un resultado final sorprendente e explosivo.
Polo tanto, non nos debe estrañar que, acabado de saír, "The Remix" xa se atope no nº 1 de vendas en iTunes.

www.ladygaga.com

Bon Jovi: "The Circle", Edición Especial!

Bon Jovi presentan o terceiro single do seu aclamado novo álbum "The Circle".
Un single que nos levará ao comezo da xira europea da banda, concretamente aquí no noso país: O 4 de xuño en Madrid, onde inaugurarán o Festival Rock In Rio. Nesta fase de xira europea, tamén se inclúen 12 concertos consecutivos no famoso O2 de Londres.
Este single levaranos ao lanzamento da Edición Especial de "The Circle" o próximo 25 de maio, que ademais do disco orixinal, inclúe 4 cancións gravadas en directo en Anaheim, California, en febreiro 2010, durante "The Circle Tour":
"We Weren¹t Born To Follow" (live)
"Superman Tonight" (live)
"When We Were Beautiful" (live)
"Love's The Only Rule" (live)

Así mesmo, incluirá unha aplicación multimedia que permitirá acceder a un arquivo de material exclusivo con versións inéditas e material visual especial.
A canción "When We Were Beautiful" é unha canción sinxela sen maiores pretensións, creada nun ambiente social próximo e humano, unha canción que reivindica o básico e que xorde antes de entrar na actual situación mundial de colapso económico.

www.bonjovi.com